Германските компании ги затвораат проектите во Иран поради заканите од САД

Германскиот железнички оператор „Deutsche Bahn“ и телекомуникацискиот гигант „Deutsche Telekom“ oбјавија во четвртокот дека ги затвораат проектите во Иран по новите американски санкции за Техеран и заканите од Вашингтон дека компаниите коишто ќе останат присутни во оваа земја ќе им биде забрането да работат во и со САД.

Новите американски санкции за Иран стапија на сила минатата седмица и неколку европски компании веќе ги запреа планираните вложувања во Иран, вклучително и францускиот нафтен гигант „Total“, чиешто место го зазема кинеска компанија, a особено производителите на автомобили, француските „PSA“ и „Renault“, како и германски „Daimler“.

Германското државни железничко претпријатие „Deutsche Bahn“ е вклучено преку својата филијала „DB Engineering & Consulting“ во два проекта во Иран, изјави портпаролката во четвртокот.

„Двата проекта ќе бидат затворени во август, односно септември 2018 година. Поради измените на банкарската практика, баравме договорите да се заклучат пријателски и правовремено“, додаде.

Во мај 2017 година „Deutsche Bahn“ потпиша со иранскиот железнички оператор „Bonyad Eastern Railwaysom“ (BonRail) меморандум за разбирање за проект чијашто цел беше утврдување и развивање на потенцијалите во сегментот на вагони и организација, прецизираше портпаролката на германската компанија.

Вториот проект е започнат пред околу 18 месеци, а предвидуваше давање советодавни услуги за иранската државна железница RAI, вклучително и совети за реконструкции, додаде.

Одвоено активносите во Иран ги запре и „Detecon“, филијала на компанијата „T-Systems“, оддел во „Deutsche Telekom“, за услуги во областа на инфоратичките технологии, истакна неговиот портпарол. „Detecon“ нуди советодавни услуги на компаниите во секторот телекомуниакции.

„До одлуката а запирање на активностите прихофите во иран достигнаа во 2018 година околу 300.000 евра. Имајќи ја предвид чувствителноста на односите со Иран во светот, ’Detecon’ го прекина работењето во Иран, а одлуката моментално стапи на сила кон средината на мај 2018 година“, објавија во четвртокот од компанијата.

Одлуката за завршувањето на работата на „Deutsche Telekom“ во Иран е објавена непосредно по објавата дека „T-Mobile“, американската филијала на германската компанија, ќе го купи американски „Sprint“ во рамките на трансакција во износ од 26 милијарди долари, којашто мора да ја одобрат американските регулатори.

Доколку преземете содржина од оваа страница, во целост сте се согласиле со нејзините Услови за користење.