Жител на скопското село Копаница вчера попладне бил нападнат на булеварот „Александар Македонски“ од две непознати лица кои, освен што го повредиле, му ги украле и ланчињата што ги носел околу врат.
Како што соопшти МВР, настанот се случил во 13,45 часот кога 38-годишниот Ш.И. го паркирал своето возило и излегол од него. Во тој момент едно од лицата го стегнало со рака околу вратот и почнало да му ги кине ланчињата.
Ш.И. пријавителот го гризнал за раката, но другото лице со тврд предмет го удрил во пределот на главата, нанесувајќи му расекотина. Ш.С. почнал да вика и сторителите избегале во непознат правец, одземајќи го ланчето.
Од ударот Ш.С. се онесвестил и со возило на Итна медицинска помош бил пренесен во Ургентен центар Скопје каде му била укажана лекарска помош.
Се преземаат мерки за пронаоѓање на сторителите и за целосно расчистување на случајот.
