Годинава околу 5.500 пензионери ќе ја искористат можноста за бесплатна банско-климатска рекреација

Проектот банско-климатска рекреација е одлично прифатен проект од пензионерите. Оваа година се предвидени околу 5.500 пензионери да заминат на бесплатна банско-климатска рекреација, одговори денес на новинарско прашање претседателот на ВМРО-ДПМНЕ Никола Груевски по увидот во реконструираниот Офицерски дом.

„Од нив веќе околу 3.000 заминаа, во моментов има исто така пензионери кои се на банско-климатска рекреација. Веќе наредната тура почнува од 24 мај, предвидува шест полни пансиони, бесплатен транспорт до и од местото, предвидени се здравствени прегледи и се она што е потребно за да се чувствуваат удобно и да се вратат дома задоволни и во подобра здравствена состојба“, истакна Груевски.

Додаде дека досега околу 36.000 пензионери ја искористиле можноста за бесплатно банско-климатска лекување, покриено од државата.

 

„Овој проект е еден од поуспешните проекти, затоа што не само што голем број го искористија туку задоволството кај пензионерите е многу големо“, потенцираше лидерот на ВМРО-ДПМНЕ.

Доколку преземете содржина од оваа страница, во целост сте се согласиле со нејзините Услови за користење.