Балкан

Голема антитерористичка акција на турската полиција во Истанбул

Голема антитерористичка акција на турската полиција во Истанбул

Голема антитерористичка акција извршуваат денеска силите на турската полиција во Истанбул, јавуваат локални медиуми. Се вршат проверки во канцеларии во различни делови од градот.

Во операцијата поддржана и од воздух со хеликоптер, учествуваат тимови за борба со тероризам и специјалци.

Медиумите јавуваат дека операцијата е насочена кон екстремистичката Револуционерна партија и фронт за народно ослободување.

Во изминатиот месец таа организација презеде неколку напади. На 31 март терористи од организацијата убија обвинител кого претходно го киднапираа. Ден подоцна беше организиран и напад врз полициска станица во Истанбул.