Македонија

Големата арена во СЦ „Борис Трајковски“ поделена на три дела

Големата арена во СЦ „Борис Трајковски“ поделена на три дела
Големата арена во СЦ „Борис Трајковски“ поделена на три дела

Љубителите на спортот, клубовите, но и компаниите ќе можат во исто време во СЦ „Борис Трајковски“ да користат терен за тенис, ракомет и кошарка.

СЦ „Борис Трајковски“ реализира проект со кој големата арена е поделена на три дела. Во иднина, наместо едно големо игралиште, ќе има три комплетно монтажно-демонтажни терени, поставени по хоризонтала. Тие ќе бидат наменети за тренинг и рекреација, односно трите терени ќе можат да ги користат спортските клубови, рекреативците, но и компаниите кои на своите вработени им овозможуваат тим-билдинг.

-Овој проект кој што денеска го промовираме и што веќе почна да се користи ни овозможи да ја намалиме цената за закуп за преку 50 проценти. Терените првично се наменети за тренинг и рекреација, но не е исклучена можноста на кошаркарскиот терен да се играат и официјални натпревари, изјави директорот на СЦ „Борис Трајковски“ Златко Перински.

scbt3-500

Теренот за тенис е со димензии 36х18, кошаркарското игралиште е со 18х15, а ракометното има димензии 37х23. Освен спортските клубови и рекреативците, овие терени ќе може да ги изнајмуваат и компаниите.

Директорот на Агенцијата за млади и спорт, ја поздрави иницијативара за овој проект со кој е збогатена понудата на услугите на СЦ „Борис Трајковски“.

-Ја користам оваа прилика да упатам апел до сите општини, но и до сите оние кои стопанисуваат со спортски објекти, да го следат овој позитивен пример и во начинот на функционирање да обезбедат можност за мултифункционално одржување на спортски натпревари. Односно, оние спортски терени кои во моментов се користат само за една намена, со една мала инвестиција да ги оспособат да можат да ги користат за повеќе спортови одеднаш, изјави директорот на АМС, Марјан Спасески.

scbt4-500-1

Тој потенцираше дека владата на Република Македонија преку Агенцијата за млади и спорт во изминатиот период инвестираше многу во збогатувањето на спортската понуда, како за професионалните спортисти, така и за рекреативците. Во последниот период, односно година ипол изградени се преку 60 спортски терени низ целата држава.

Останати вести од Македонија

Македонија

ФИФА само ги предупреди Шаќири и Џаха, по 5.000 франци казна за Лихтштајнер, Кокеза и Крстајиќ Меѓународната фудбалска асоцијација ФИФА им одреди парична казна од по 10.000 швајцарски франци на швајцарските репрезентативци Гранит Џака и Џердан Шаќири поради неспортско однесување на натпреварот со Србија, додека нивниот капитен Штефан Лихтштајнер како и српските претставници се казнети со по 5.000 франци. Џака и Шаќири се казнети поради покажување на албанскиот двоглав орел во текот на прославувањето на погодоците против Србија со кои направија пресврт и ја совладаа (2:1), иако некои медиуми пишуваа дека ќе добијат барем два меча неиграње поради политичко асоцирање и провоцирање. ФИФА, исто така, го казни и Српскиот фудбалско сојуз со 54.000 швајцарски франци „поради непримерени транспаренти и пораки“ на српските навивачи, додека претседатело на сојузот Славиша Кокеза и на селекторот Младен Крстајиќ добија казна од по 5.000 франци поради коментари на судењето. Тие се жалеа на критериумот на германскиот судија Брих во доделувањето на жолтите картони, а особено што не сакаше да го консултира ВАР системот при фаулот на Митровиќ во швајцарскиот шеснаесетник при резултат 1:1. ФИФА објави и казна за Аргентинската фудбалска асоцијација (AFA) од 90.000 франци поради неспортско однесување на нивните навивачи на дуелот со Хрватска. Аргентинците фрлале петарди, упатувале хомофобни пораки, а на стадионот нападнаа и група хрватски навивачи, додека самиот сојуз е казнет бидејќи аргентинските репрезентативци не се појавиле на вообичаената прес-конференција.