Најдобрата македонска тенисерка Лина Ѓорческа изминатите денови интензивно се подготвува за настап во квалификациите на Вимблдон, третиот Грен слем турнир во календарската година.
„Првпат ќе настапам на Вимблдон, а воедно и за првпат ќе играм на турнир со тревната подлога. Се надевам дека условите нема да ми бидат пречка. По таа причина и порано ќе заминам за Лондон, да имам време 4-5 дена да се прилагодам на подлогата, изјави Ѓорческа.
Тренерот Димитар Лабудовиќ за настапот на Ѓорческа на Вимблдон истакна дека „Сезоната на турнири на трева е куса. Кај нас нема таква подлога, па Лина мора да се прилагодува и да тренира на тврда подлога и се надевам дека брзо ќе се адаптира“.
Македонската темисерка последните месеци настапите на фјучрс турнирите од ланската година ги замени со настапи на ВТА турнири. Изминативе денови таа тренираше заедно и со Томислав Јотовски, кој исто така се подготвува во Скопје на терените на „Тенис парк“ за настапите кои го очекуваат.
