Ѓорѓиевски: „Вистината за Македонија” да одговори со кои малверзации СДСМ се служеше на локалните избори 2013

„Вистината за Македонија“ да одговори на кумановци и на целата македонска јавност со кои малверзации СДСМ се служеше на локалните избори 2013 година, побара пратеникот во Собранието на РМ Зоран Ѓорѓиевски.

Цело време СДСМ зборува „Вистина за Македонија“, „Вистината за Македонија“, во овој круг на фалсификатори (покажувајќи фотографија од техничкиот министер за внатрешни работи Оливер Спасовски и Аднан Села, еден од приведените во случајот „Фабрика за афери“), во средината е главниот менаџер на локалните избори 2013, шеф на изборниот штаб на Зоран Дамјановски Циц, па би сакал, бидејќи ја имате вашата „Вистина за Македонија“, вашите бомби, да ми кажете, бидејќи јас бев кандидат за градоначалник кој во првиот круг победи со 1.500 гласови, а во вториот круг изгубив, да ми кажете од вашите бомби што се случи и какви малверзации беа направени, истакна Ѓорѓиевски.

Јас лично знам, рече, но поради кумановската и македонската јавност треба да обелодените.