петок, 23 јуни 2017  |  Вести денес: 33

Гостивар: Изведени првите три операции на катаракта на око

operacija

Последни вести

Тим од Универзитетската клиника за очни болести предводена од асистент доктор Христијан Дума ги изведе првите три операции на катаракта на око во болницата во Гостивар.

Воведувањето на овој тип на операции во иднина ќе ги намали времето на чекање и трошоците, со оглед дека поголем дел од пациентите беа пренасочувани кон други центри. Политиката на Министерството е да се дисперзираат повеќе услуги кон внатрешноста. Се надевам дека во соработка со Очната клиника во Скопје, овие операции ќе се изведуваат со позачестена динамика, изјави државниот секретар во Министерството за здравство Насуф Ипчја, кој денеска ја посети болницата во Гостивар.

Според директорот на болницата Илбер Адеми, ваквите интервенции засега ќе се изведуваат два пати месечно, а во скоро време на локално ниво ќе бидат формирани тимови кои ќе работат самостојно.

Директорот на Очната клиника во Скопје, Илијаз Исмаили искажа задоволство од соработката со гостиварската болница. Тој најави дека наскоро ќе се започне и со дијагностицирање на дијабетична ретинопатија и други проблеми што се однесуваат на ретината.

Од болницата во Гостивар информираат дека има листа од над 100 пациенти кои во следниот период ќе бидат ставени на програмата за операции.

Најчитани вести