Македонија

Градоначалникот Трајановски оствари средба со делегација од Ниш

Градоначалникот Трајановски оствари средба со делегација од Ниш

Денеска, градоначалникот на Град Скопје, Коце Трајановски, оствари средба со официјална делегација од Ниш, Република Србија. Делегацијата беше предводена од Александар Цветковиќ, началник на нишкиот управен округ. На средбата беа присутни и Небојша Васиќ, директор на Народната библиотека „Стеван Сремац“ во Ниш, Горан Максимовиќ, декан на Филозофскиот факултет во Ниш, како и Бранко Цветковски, директор на Градската библиотека „Браќа Миладиновци“ од Скопје.

Градоначалникот Трајановски, ја поздрави делегацијата и им посака добредојде во Скопје. На средбата беше разговарано за продолжување на соработката во рамките на еврорегионот Скопје-Ниш-Софија „Евробалкан“ кој има за цел да ја интензивира прекуграничната соработка како средство за регионален економски развој и интеграција во рамките на регионот. Покрај оваа соработка, беа разгледани и можностите за соработка на полето на културата којашто претставува важен мост меѓу Скопје и Ниш.