Македонија

Градот Скопје утре на еден час ќе ги исклучи светилките

Градот Скопје утре на еден час ќе ги исклучи светилките

Градот Скопје утре од 20:30 до 21:30 часот ќе се вклучи во одбележувањето на светски познатото движење „Час на планетата Земја“ со исклучување на уличното осветлување на улицата Македонија, плоштадот „Македонија“ и плоштадот „Филип Втори“, како и на илуминациите на палатата „Пелистер“, Ристиќевата палата, Камениот мост, Скопската тврдина, мостот „Око“, Мостот на уметноста, Археолошкиот музеј и Музејот на македонската борба за самостојност.

Одбележувањето на ова светски познато движење во Скопје ќе одвива на почетокот на улицата Македонија, меѓу Ристиќевата палата и Палатата „Пелистер“, а доколку се влошат временските услови настанот ќе се одржи во холот на Градскиот трговски центар.

Утревечер, во предвидениот период, поддржувачите на движењето „Час на планетата Земја“ во целиот свет ќе ги исклучат светилките и ќе испратат порака за намалување на користењето на енергетските ресурси и за намалување на климатските промени. Ова планетарно се спроведува во 162 држави во светот и во голем број светски метрополи.