Расте поддршката меѓу граѓаните за протестите во организација на граѓанската иницијатива За Заедничка Македонија и нивните барања, кои веќе речиси два месеца маршираат за унитарна Македонија.
Бараат да се отфрли тиранската платформа, и Македонија да остане мултикултурно општество, наспроти бинационална држава. Граѓаните веруваат дека излезот од кризата може да се најде во Манифестот, кој ВМРО-ДПМНЕ го понуди како решение за политичката криза, како и предвремени парламентарни избори, на кои граѓаните ќе можат да го дадат својот глас за најдобрата политичка опција, пренесува порталот Курир презентирајќи ја видео анкетата меѓи граѓаните.
ВМРО-ДПМНЕ преку Манифестот за единствена Македонија повика на национално обединување на сите граѓани, верски организации, партии, општествени чинители.
Прв принцип е обединување околу националниот интерес, вториот принцип е интеграција во едно општество, трет принцип владеење на правото за успех на државата и четврт принцип е пазарна економија за подобар стандард на секој граѓанин.
Откако СДСМ, го одби предлогот на ВМРО-ДПМНЕ да ја поддржи владата на СДСМ со своите пратеници, доколку се откажат од тиранската платформа, ВМРО-ДПМНЕ, понудија и таканаречен Патоказ, кој е документ, кој треба краткорочно и среднорочно да најде излез од кризата.
Сите овие решенија беа одбиени од СДСМ, а претседателот на ВМРО-ДПМНЕ, Никола Груевски изјави дека нивната цел беше да се направи криза во Македонија и по секоја цена да дојдат на власт.