вторник, 27 јуни 2017  |  Вести денес: 13

Граѓаните на седум муслимански земји непречено пристигнуваат во САД

ttttttt

Последни вести

Државјани од седумте муслимански земји, кои беа опфатени со указот на американскиот претседател Доналд Трамп за забрана за влез во САД, вчера непречено пристигнуваа на аеродромите во земјата, откако федерален судија ја поништи мерката.

Авиокомпаниите во светот им дозволија на граѓаните на Сирија, Ирак, Иран, Судан, Сомалија, Либија и Јемен да се качат на летовите за САД. Адвокат, кој чекаше на њујоршкиот аеродром „Кенеди“ изјави дека лицата, кои поседуваат визи и зелени карти од Ирак и Иран не се соочуваат со проблеми при пристигнувањето.

Властите на аеродромот во Каиро соопштија дека вкупно 33 мигранти од Јемен, Сирија и Ирак се качиле вчера на летови за САД.

Либански медиуми јавија дека на аеродромот во Бејрут им било дозволено на сириски семејства и на други лица од земји опфатени со забраната, да се качат на авиони преку Европа за САД.

Околу 60 илјади визи кои беа поништени со указот на Трамп, се повторно валидни, изјавија американски дипломати.

Најчитани вести