Грција бара финансиска помош од ЕУ поради ембаргото од Русија

Поради воведеното ембарго од Русија за увоз на земјоделски стоки од страните од блокот Грција побарала од Европската унија финансиска помош за земјоделството.

На 7 август Русија воведе пакет мерки како одогвор на санкциите од Вашингтон, Канада и ЕУ спрема Москва.

Истиот месец ЕУ донесе одлука за поддршка на производителите на праски како и на производители на други земјоделски производи. Но, и покрај тоа руското ембарго има тешки последици за земјоделците, според оценка на грчките власти.

На 10 ноември на седница на министрите за земјоделие од државите од ЕУ ќе се разгледува грчкото барање.

Според оценки на Европската комисија руското ембарго погодило 4,2 отсто од целиот извоз од ЕУ за вкупна сума од околу пет милијарди евра.

 

Доколку преземете содржина од оваа страница, во целост сте се согласиле со нејзините Услови за користење.