петок, 2 декември 2016  |  Вести денес: 0

Грција парализирана – Поради штрајк нема никаков превоз

Грција денеска е парализирана. Поради генерaлниот штрајк што беше свикан од страна на двата најголеми синдикати на вработените во државниот и јавниот сектор, а е насочен против плановите на Владата за реформи во пензиското и социјалното осигурување, денес нема да има никаков превоз.

grcija-transport

Поврзани вести

Грција денеска е парализирана. Поради генерaлниот штрајк што беше свикан од страна на двата најголеми синдикати на вработените во државниот и јавниот сектор, а е насочен против плановите на Владата за реформи во пензиското и социјалното осигурување, денес нема да има никаков превоз.

Во Грција не работи градскиот и железничкиот транспорт, морнарите ќе штрајкуваат денеска и утре, a домашните авиокомпании одложија десетици летови, а во меѓународниот авиосообраќај ќе има повеќе доцнења.

Како што јавува „Катимерини“ денес нема да работат ниту метрото, ниту тролејбусите и трамвајот во грчкиот главен град, а дополнително кон генералниот штрајк се приклучиле и такси возачите.

Покрај тоа, како што наведува весникот, дополнителен проблем за возачите ќе биде и тоа што во текот на денешниот ден нема да работат ниту бензинските станици.

Во штрајкот учествуваат адвокатите, нотарите, фармацевтите, а болниците работат само со неопходен персонал. Затворени се бензинските пумпи, а штрајкуваат и таксистите.

Грчките новинари исто така се приклучија кон генералниот штрајк, но со цел настанот медиумски да биде покриен, новинарите својот протест го изразија вчера.

Најчитани вести