Грчкиот министер за надворешни работи, Евангелос Венизелос изрази стравување во врска со можноста ЕУ да воведе санкции против Русија поради военото присуство во Украина.
„Санкциите, за жал, секогаш се со две острици, со последици за оние кои ги трпат , но исто така и за оние кои ги наметнуваат“, изјави синоќа Венизелосл пред денешниот вонреден состанок на лидерите на ЕУ во Брисел за кризата во Украина.
Весникот „Катимерини“ цитира извори во Министерството за надворешни работи, според кои Атина не сака да го изгуби новиот импулс во грчко- руските односи, особено откако руски инвеститор изрази интерес за учество во грчката железница „Траиносе“ и солунското пристаниште.
Според весникот постојат стравувања дека можното воведување санкции против Русија би можело да ги одврати потенцијалните инвеститори.
