Грчката економија минатата година била во рецесија, а бруто домашниот производ (БДП) на земјата се намалил за 0,2 отсто во споредба со 2015 година, говорат податоците на грчката канцеларија за статистика (ЕЛСТАТ).
Таа, исто така, констатирала дека првичните предвидувања за првите три месеци од годината се потврдиле и покажуваат нулта раст на БДП.
Истовремено, во 2016 година потрошувачката е намалена за 0,3 отсто во споредба со 2015 година, но во март забележува скок за 0,6 отсто.
Според Еуростат, годишната инфлација во Грција во септември 2017 година изнесува еден процент во споредба со 0,6 отсто во август. Една година претходно овој процент беше 0,1 отсто.
Годишната инфлација во еврозоната во септември била 1,5 проценти. Најниска била во Кипар, а највисока во Литванија.