Балкан

Грците го прославуваат Божик и покрај финансиските проблеми

Грците го прославуваат Божик и покрај финансиските проблеми

Покрај острата економска криза што последните шест години ја зафати Грција, Грците ги вложуваат сите напори, за да го прослават раѓањето на Исус Христос, пренесе агенција „АНСА“.

Градовите и селата во земјата блескаат од божикните украси, а луѓето ги остават настрана дневнополитичките проблеми барем за еден ден, за да ги испочитуваат обичаите и традициите околу Божик. Од Бадник до Богојавление, дванаесетте дена од божикниот период, во секое село во Грција се изведуваат ритуали кои се различни за секој регион.

Едно од најчестите верувања е за каликанцери, гоблини за кои се верува дека правеле зло за време на 12-те дена на Божик. Вообичаено се разменуваат подароци на први јануари, на денот на Света Василица.

Друга популарна традиција во Грција е „Та Каланта“, песни кои се пеат за Божик, Нова Година и Богојавлвение. Тогаш роднини и пријатели се собираат и разменуваат подароци како мед, смокви, урми и пари.