Светиот Архиерејски Синод на Црквата на Елада, на заседанието од 14-ти Декември, оваа година, а по повод соопштението на Светиот Архиерејски Синод на Бугарската Православна Црква, ја разгледуваше одлуката на таа Црква, од 29-ти Ноември 2017 година, да го прифати барањето на расколничката црква на „Македонија“ и да преземе улога на нејзина „мајка Црква“, објави А1 он.
„По тој повод, Светиот Синод ја изразува својата загриженост, заради фактот на мешање, со таа одлука, на Бугарската Православна Црква во јурисдикцијата на друга Православна Црква, т.е. на Српската Православна Црква, чин, којшто е спротивен на Светите Канони и на Преданието на Црквата, со што ги превидува канонското право и водечката улога на Вселенската Патријаршија, што може да биде почеток на немили собитија.
Светиот Синод се моли да преовладее совеста и одлуката на сестринска Бугарска Православна Црква конечно да не се спроведе“, соопштуваат од Светиот Архерејски Синод на Православната Црква на Елада.