Балкан

Грчкиот суд привремено го замрзна одобрувањето азил за турскиот пилот

Грчкиот суд привремено го замрзна одобрувањето азил за турскиот пилот

Претседателката на Апелационен суд во Атина, го прифати во понеделникот барањето на грчката влада и привремено ја замрзна одлуката за доделување азил за еден од осумтемина турски војници кои пребегаа во Грција вечерта на 16-ти јули 2о16 година по неуспешниот обид за воен преврат во Турција.

Конечната одлука ќе биде донесена на 15-ти февруари, до кога наместо да биден пуштен на слобода по добиениот азил, копилотот од турскиот хеликоптер, е уапсен и повторно ќе биде однесен во полициската станица во Олимпиското село во близина на Атина, каде што се наоѓаат и другите седум турски офицери.

Како причини за ваквата одлука на судот за замрзнување на доделениот азил, како што објавија локалните медиуми, се наведуваат јавниот интерес и интересот на самиот војник.

На 29-ти декември, Независната второстепена комисија за азил во Атина, одобри азил за еден од турските војници, а неколку часа подоцна грчката влада соопшти дека поднеле барање за поништување на одлуката на Комисијата.

Врховниот суд во Атина, на 26-ти јануари минатата година, одлучи осумтемина турски војници да не бидат екстрадирани во Турција, а сите поднесоа барање за азил.