Грк со фалсификувани евра точел гориво во Гевгелија

Грк со фалсификувани евра точел гориво во Гевгелија. При извршена проверка на возилото на граничен премин „Богородица“ било утврдено дека вин бројот на возилото е фалсификуван, а кај него биле пронајдени и фалсификувани евра.

Како што информираат од МВР, грчкиот државјанин ноќта меѓу понеделникот и вторникот во 02.00 часот на пристигнал на граничниот премин „Богородица“.

На излез од Република Македонија при извршена проверка на патничкото моторно возило „Цитроен Саксо“ со грчки национални ознаки, а управувано од грчкиот државјанин В.К.(42) било утврдено дека вин бројот на возилото е фалсификуван, додека кај истиот биле пронајдени и фалсификувани евра.

Грк со фалсификувани евра точел гориво
Грк со фалсификувани евра точел гориво

Шесте банкноти од по 50 евра биле со ист сериски број, а предходно со фалсификувани евра (банкнота од 50 евра) платил за точено гориво на бензиска пумпа во близина на граничниот премин.

Како што информираат од МВР, В.К. е приведен во полициската станица Гевгелија извршен е разговор и против него поднесена е кривична пријава до Основното јавно обвинителство во Велес поради постоење основи на сомнение за сторени кривични дела „фалсификување исправа“ и „фалсификување пари“.

Од страна на судија на предходна постапка одредена му е мерка притвор во траење од 30 дена.

Доколку преземете содржина од оваа страница, во целост сте се согласиле со нејзините Услови за користење.