петок, 9 декември 2016  |  Вести денес: 15

Груевски: Активно се гради автопатот Скопје-Штип, 93 отсто од трасата е пробиена

Изградбата на автопатот Скопје-Штип се одвива согласно предвидената динамика, оцени денеска лидерот на ВМРО-ДПМНЕ Никола Груевски по увидот во градежните работи за изградба на локален пат помеѓу штипските села Врсаково, Долно Трогирци.

se-gradi-ekspresniot-pat-veles-stip-1

Последни вести

Изградбата на автопатот Скопје-Штип се одвива согласно предвидената динамика, оцени денеска лидерот на ВМРО-ДПМНЕ Никола Груевски по увидот во градежните работи за изградба на локален пат помеѓу штипските села Врсаково, Долно Трогирци.

Автопатот е долг 47 километри, предвидено е да чини 206 милиони евра и веќе 93 отсто од трасата е пробиена, а голем дел е и асфалтирана. Во моментов се работи на повеќе клучки, изјави Груевски одговарајќи на новинарско прашање.

Тој нагласи дека автопатот се гради согласно предвидената динамика и оти ќе биде завршен навреме.

За неговата изградба се ангажирани речиси 700 работници, а покрај овој автопат во Македонија се градат или реконструираат  три други автопати. Тоа се автопатите Охрид-Кичево, Демир Капија-Смоквица, а активно се реконструира автопатот од Смоквица до Гевгелија.Вкупно над 2.600 работници во моментов работат на изградба на автопатиштата во Македонија, рече Груевски.

Најчитани вести