Премиерот Никола Груевски остварил телефонси разговор со претседавачот на Претседателството на БиХ, Бакир Изетбеговиќ, во врска со катастрофалните поплави во Босна. Притоа Груевки изразил сочувство за жртвите од поплавите и ја истакнал подготвеноста Македонија да продолжи со помошта.
– БиХ може да смета на Македонија во рамките на нашите можности, истакнал Груевски, информираат од владината прес служба.
Покрај стокова поддршка како вода, храна, лекови и облека, тој истакнал дека Република Македонија ќе даде и финансиска поддршка за помош на настраданите.
Бакир Изетбеговиќ, од своја страна изразил благодарност за помошта која Република Македонија ја дава.
Премиерот Груевски телефонски разговарал и со Небојша Радмановиќ, српскиот член на Претседателството на БиХ.
