Груевски до членството на СДСМ: По никоја цена нема да дозволиме да нè закрват

Премиерот Никола Груевски од говорницата во СРЦ Борис Трајковски им се обрати и на членовите на СДСМ на кои им порача дека нема да дозволи по никоја цена да се испровоцираат судири меѓу македонскиот народ, без разлика на политичката партија на која ѝ припаѓаат.

– Порака до членството на СДСМ и до сите тие кај кои има некаква неизвесност. Ги разбирам и ги слушам и прифаќам нивните критики. Нема да дозволам да нѐ закрват, по ниедна цена тоа нема да се случи. Инспираторите го сакат тоа. ВМРО-ДПМНЕ тоа нема да го дозволи. Во името на сето тоа во што верува, во името на идеалите на историското ВМРО, кое е на сите наши граѓани патриоти. Нема да дозволиме да нè закрват и испровоцираат – порача Груевски.

Премиерот, исто така, порача дека нема да дозволи да ја вратат државата назад и да се замрзнат сите проекти.

– Една од целите на тие што го измислија ова е и да се замрзнат вработувањата, да се замрзнат инвестициите, да се замрзнат сите проекти. Е тоа нема да пројде. Тоа нема да го дозволиме. Да не вратат назад. Тоа не може, рече Груевски.

Доколку преземете содржина од оваа страница, во целост сте се согласиле со нејзините Услови за користење.