понеделник, 27 март 2017  |  Вести денес: 33

Груевски: Гласот за ВМР0-ДПМНЕ и Коалицијата значи глас за нови 70.000 работни места

Тој додаде дека гласот за ВМРО-ДПМНЕ и Коалицијата значи глас и за рестартирање на стопанските капацитети – жртви на транзицијата, како и за создавање на рурални развојни зони.

gruevski-strumica3

Последни вести

Со гласот за нас гласаш за 70 илјади нови работни места во Македонија, гласаш за зголемување на платите во јавниот сектор за најмалку 10,25%, гласаш и за зголемување на пензиите за најмалку 10,25%, за зголемување на социјалната помош за најмалку 50 проценти, за зголемување на минималната плата постепено до 14.000 до 2020-та година, истакна вечерва од големиот митинг во Струмица лидерот на ВМРО-ДПМНЕ и носител на листата во ИЕ 4 Никола Груевски.

-Гласаш за продолжување со изградбата на трите нови автопати: Демир Капија – Смоквица, Скопје – Штип и Кичево – Охрид и за обновување на автопатите Смоквица -Гевгелија, Куманово – Скопје, Неготино – Демир Капија, Велес – Градско, за изградба на нови автопати од Скопје до Блаце, од Гостивар до Кичево, од Требеништа до Струга. Гласаш за шест нови експресни патишта со 4 ленти, Ранковце – Крива Паланка, Штип – Радовиш, Штип – Кочани, Охрид – Пештани и Битола – Меџитлија и веќе започнатиот експресен пат Градско – Прилеп. Гласаш и за продолжување на градба на пругата кон Бугарија и од Битола до Грција, за набавка на нови возови во Република Македонија. Гласаш и за набавување на над 3.700 апарати, медицинска опрема од вредност од 33 милиони евра и изградба на новиот универзитетски Клинички центар „Мајка Тереза“ и изградба на Клинички центар во Штип, изградба на болницата во Струмица.., посочи Груевски.

Тој додаде дека гласот за ВМРО-ДПМНЕ и Коалицијата значи глас и за рестартирање на стопанските капацитети – жртви на транзицијата, како и за создавање на рурални развојни зони.

-Гласаш за 600 милиони евра субвенции за земјоделците и руралниот развој. За  нови реконструкции на стари училишта и изградба на нови училишта, нови спортски сали, за нови студентски домови и реновирање на старите студентски домови. И тука во Струмица ќе се реализираат низа проекти меѓу кои: изградба на нов пливачки базен со ватерполо димензии, две повеќенаменски игралишта, две двојни тениски игралишта, 4 баскет игралишта и 1 фитнес зона. ќе реконструираме 4 училишта и ќе изградиме 3 нови спортски сали, нова специјализирана читална. Ќе отвориме 2 нови детски градинки како и дневен центар за повозрасни лица, нагласи лидерот на ВМРО-ДПМНЕ.

Груевски додаде дека ќе се реконструираат регионалните патишта Струмица- Ново село, Струмица- Попчево- Белотино- Рич- Конче и регионалниот пат Радовиш- Струмица, како и патиштата до селата Воиславци,Сулдурци и Калуѓерица. Исто така, планирана е и реконструкција на патиштата брана Водоча- Рич, Свидовица М6- Сачево и Дабиња- Просениково.

– Ќе изградиме фекална канализација за Добрејци, Дабиле и Просениково. Ќе ја довршиме изградбата на стариот театар како и центарот за култура „Антон Панов“  кој ќе биде темелно реновиран. Ќе ја доградиме веќе започнатата општа болница во Струмица и ќе набавиме 125 медицински апарати. Ќе го изградиме магистралниот гасовод Штип- Хамзали- Струмица- Гевгелија во вкупна должина од 110 километри. Ќе обезбедиме средства за пречистителна станица за отпадни води со капацитет за 54 000 жители за што ќе се инвестираат околу 7 милиони евра и многу други проекти, објасни лидерот на ВМРО-ДПМНЕ на големиот митинг кој партијата и Коалицијата го одржаа вечерва во Струмица.

Најчитани вести