Груевски и Јанакиески не чувствуваат вина за случајот „Насилство во Центар“

Во Кривичниот суд главна расправа за случајот „Насилство во Центар“ во кој се обвинети 14 лица. Обвинителката од СЈО, Фатиме Фетаи го прочита обвинението.

Поранешниот премиер и претседател на ВМРО-ДПМНЕ, Никола Груевски, екс- министерот Миле Јанакиески и пратеничката Даниела Рангелова се изјаснија дека не се чувствуваат виновни за делото за коe се товарат. Претседателот на Општинскиот комитет на ВМРО-ДПМНЕ, Томислав Лазаров призна вина и рече дека се кае.

Иако одбраната на обвинетите бараше одложување на расправата, судијата не ги прифати предлозите и ја почна главната расправа за предметот.

Апелација ја прифати жалбата на СЈО и одлучи дека во доказната постапка може да се користат снимките од прислушуваните разговори. Во судот издвоена постапка за обвинетиот Томислав Лазаров.

Доколку преземете содржина од оваа страница, во целост сте се согласиле со нејзините Услови за користење.