Македонија,Економија

Груевски и владината делегација ги презентираа можностите за инвестирање во Македонија во Хонг Конг

Груевски и владината делегација ги презентираа можностите за инвестирање во Македонија во Хонг Конг

Претседателот на Владата на Република Македонија, г-дин Никола Груевски, и членовите на владината делегација, денеска во Хонг Конг, НР Кина, се обратија на бизнис форум за презентација на поволностите кои Република Македонија ги нуди на странските инвеститори за отворање и водење бизнис во нашата земја.

Бизнис форумот се одржува во соработка со групацијата Фајненшл тајмс и на него присуствуваа претставници од компании од областа на електрониката, инженерството, телекомуникациите, транспортот и логистиката, и инвестициските фондови.

Премиерот Груевски ги претстави поволностите кои нашата земја ги овозможува на компаниите за реализација на бизнис, задржувајќи се на инвестициите во образованието кои  обезбедуваат соодветна и добро едуцирана и способна работна сила, на најниските трошоци за водење бизнис, нискиот даночен пакет и поволностите кои се даваат во рамките на технолошко индустриските развојни зони.

Во првите десет години компаниите лоцирани во технолошко индустриски развојни зони се ослободени од плаќање на персонален данок, и на данок на добивка без разлика дали профитот е распределен или не е распределен како дивиденда. Исто така, компаниите во зоните се ослободени од плаќање на данок на додадена вредност и царина за суровините кои ги увезуваат со намера за производство на добра кои се наменети за извоз, истакна премиерот Груевски во своето обраќање пред присутните.

Biznis forum Hong Kong-4

Презентираните реформи беа позитивно оценети од претставниците на хонгконшките компании. Особен интерес побуди нискиот даночен пакет кој нашата земја го овозможува за компаниите.

Во Хонг Конг имаме низок данок во споредба со регионот, но кога го слушнавме ова дека во Македонија данокот на плата и данокот на добивка е само 10 проценти, тогаш тоа е апсолутно многу компетитивно, тоа е навистина атрактивен даночен пакет за привлекување на странски инвеститори во вашата земја, изјави Рики Чау од компанијата „Левел Гроуп“.

Biznis forum Hong Kong-9

Вицепремиерот Зоран Ставрески имаше обраќање пред присутните во кое се осврна на поволните макроекономски индикатори, ниската инфлација, стабилниот девизен курс и растот на БДП во првиот квартал од годината.

Презентација за поволностите кои Република Македонија ги нуди на странските инвеститори овде во Хонг Конг е значајна затоа што Хонг Конг е финансиски центар на Азија, и затоа што овдека доаѓа до пораст на трошоците за правење бизнис, па голем број на нивни компании кои сакаат да пласираат на европските пазари бараат нови дестинации од каде што можат да пласираат добра по пониски трошоци, а сето тоа го нуди и Македонија, изјави Ставрески по форумот.

Biznis forum Hong Kong-7

Хонгконшките компании се заинтересираа за продлабочено анализирање на можностите кои ги нуди нашата земја, а некои од нив најавија и посета на нашата земја

Мислам дека со посета на Македонија ќе добијам повеќе информации за земјата, за народот, за географијата, и она што е најважно за економската ситуација, така да во иднина ќе следува посета на Македонија од моја страна, изјави Џени Чу, генерален менаџер на „Ориентал Оверсис“.

Biznis forum Hong Kong-6

Владината делегација својата посета на азиските земји ја продолжува со посета на градот Гвангжу, во регионот Гуангдонг, Народна Република Кина.

Biznis forum Hong Kong-8