Груевски: Имаме селективна правда преку политички монтирани процеси

На судењето за „Траекторија“ имаше еден фрапантен момент каде што самата обвинителка кажа дека разговорите има можност да бидат манипулирани и контаминирани, осносно дека може во нив да се уфрлат делови, изјави идерот на ВМРО-ДПМНЕ Никола Груевски пред Кривичниот суд, коментирајќи ги наводите на обвинителката Лиле Стефанова од Специјалното јавно обвинителство (СЈО) на рочиштето во понеделникот за овој случај.

Грувски истакна дека станува збор за интересен детал, кој ги потврдува сомнежите за прислушуваните разговори од претходно.

„Согласно член 12, став 2 од Законот за кривична постапка, тие креирани материјали не може да бидат доказ во судска постапка. Но, под притисок на власта Апелацискиот суд во август донесе спротивна одлука, истите да се користат како докази“, рече Груевски.

И покрај тоа, како што посочи, нашите бранители побараа да ги имаат и добија одговор дека не може од причина што доколку ги добијат можат да се контаминираат.

„Ако Обвинителството ги има примено од Зоран Заев, претпоставувате за што станува збор, односно дека е во прашање политички прогон за да се постигнат одредени политички цели“, истакна Груевски.

Во врска со второто судење за случајот „Насилство во Центар“, Груевски рече дека пред кој и да земе збор, самата судијка кажала дека не се исполнети законски услови судењето да се одржи, од причина што немаат камери кои биле земени за друго судење од потежок карактер.

„Претставниците на СЈО кажаа дека и покрај тоа што е незаконски, сакаа да го одржат рочиштето. Тие не го негираа тоа дека е незаконски и сакаа да се одржи судењето“, посочи Грувски.

Пораншениот премиер изјави дека станува збор за малтретирање на сите лица во случајот, за политички монтиран процес од обвинителство кое има политички цели.

„Имаме селективна правда. Ни се закажуваат по две рочишта во еден ден, секоја недела, по три-четири пати да сме во суд. Судот е под притисок кон нас да постапува како кон луѓе на коишто е можно побрзо да им се завршат случаите и да бидат осудени, а од друга страна судењето на Заев не може да почне две години“, истакна Груевски.

Поранешниот градоначалникот на Центар, Андреј Жерновски, кој се јавува како оштетен во „Насилство во Центар“ истакна дека одбраната на Груевски ги користи сите можни средства да се одложат судењата.

„Бидејќи правеа груба манипулација со чувствата на верниците, но оние кои се вистински верници не нарачуваат насилство и шамари, и затоа се случи Никола Груевски на Свети Никола да има две судења“, рече тој и додаде дека и колку и да се обидуваат да ги пролонгираат рочиштата, правдата иако е спора, сепак ќе пристигне.

Судењето за „Насилство во Центар“ беше одложено во понеделникот, бидејќи во судница немаше камери, кои требаше аудио и визуелно да го снимаат рочиштето.

 

Доколку преземете содржина од оваа страница, во целост сте се согласиле со нејзините Услови за користење.