Македонија

Груевски: Исполнети се сите услови во СЈО да се чуваат материјалите

Груевски: Исполнети се сите услови во СЈО да се чуваат материјалите

Сите услови кои беа потребни за Зоран Заев да ги предаде материјалите до Специјалното јавно обвинителство се исполнети. Станува збор за хард-дискови со материјали кои СДСМ нелегално ги поседува, за чие чување не е потребно многу место.

За ова во вестите на ТВ сител говореше премиерот Никола Груевски, кој посочи дека е обезбедено се што е побарано од СЈО.

За вакви хард-дискови е потребен сеф кој Владата го испорача до СЈО. Немаше барање, но дознавме од медиумите и веднаш испративме сеф. Потребно беше 24 часовно обезбедување, по што Владата го задолжи МВР за обезбедување на 24 часовно обезбедување. Двата услови се исполнети, рече премиерот.

Откако партискиот портпарол Петре Шилегов како образложение зошто не се предаваат материјалите до СЈО како една од причините го наведе фактот дека Јанева нема кафекуварка, премиерот на шега искоментира дека кафекуварка не е потребна да ги чува материјалите во СЈО.