сабота, 22 јули 2017  |  Вести денес: 51

Груевски изврши увид на градежните работи на патниот правец Скопје – Куманово

За неколку недели ќе биде 100 отсто завршено Куманово – Скопје и ќе биде пуштен во целосна употреба, информираше во петокот лидерот на ВМРО-ДПМНЕ, Никола Груевски,

gruevski-misajlovski-uvid-640x404

Поврзани вести

Деновиве почна реконструкција на патниот правец Скопје – Куманово, додека од Куманово кон Скопје се 98 отсто завршено. За неколку недели ќе биде 100 отсто завршено Куманово – Скопје и ќе биде пуштен во целосна употреба, информираше во петокот лидерот на ВМРО-ДПМНЕ, Никола Груевски, при увидот на градежните работи на оваа делница, дополнувајќи дека вредноста е околу пет милиони евра по еден правец, односно вкупно околу 10 милиони евра.

Според него, останати се делови околу сигнализацијата на патот, а целосната изградба треба да заврши кон крајот на годината.

 

„Севкупно, двете страни, Куманово – Скопје и Скопје – Куманово ќе чинат некаде околу 10 милиони евра, нешто што е многу важно зашто практично она што го правиме е да целата делница, целиот коридор 10, односно автопатот Александар Македонски или се гради каде што го нема, или се целосно и темелно се реконструира“, рече Груевски.

 

Потсети дека при крај е изградбата на 29 километри на патниот правец Демир Капија – Смоквица, односно последниот изграден автопат.

 

„Пред неколку години го изградивме автопатот меѓу Куманово и Табановце, претходно не беше автопат, сега е автопат. И тоа беа беа последните две делници кои што не беа автопат и станаа автопат“, посочи лидерот на ВМРО-ДПМНЕ.

Потенираше дека паралелно се реконструираат делници со целосно вадење на стариот асфалт и ставање на нов.

„Исто така, паралелно се реконструираат делниците со целосно вадење на стариот асфалт и ставање на нов и плус нова сигнализација меѓу Неготино и Гевгелија и Гевгелија – Смоквица. Наскоро почнува меѓу Градско и Велес. Практично целиот автопат Александар Македонски или Коридор 10 или се догради или целосно се реконструира сега и во минатите две години“, додаде Груевски.

Најчитани вести