Груевски ќе промовира 11 нови наслови од големиот владин проект

Премиерот Никола Груевски, денеска ќе присуствува на промоција на 11 нови наслови на книги кои се дел од проектот „Превод на 1000 стручни, научни книги и учебници од кои се учи на врвните, најдобрите и најреномираните универзитети во САД и Англија, а од областа на правото во Франција и Германија“.

Настанот ќе се одржи во читална „1000 книги“, во Градскиот трговски центар, а почетокот е предвиден за 12:30 часот.

Најновите изданија, како и сите претходно преведени и промовирани наслови, освен во читалната во Градскиот трговски центар во Скопје, ќе бидат дистрибурани во универзитетските, факултетските и народните библиотеки, а по пристапни цени ќе може да се купат и во книжарниците и е-продавниците на издавачките куќи.

Доколку преземете содржина од оваа страница, во целост сте се согласиле со нејзините Услови за користење.