Има доволен период да се слушнат сите мислења и да се направат темелни консултации за на крај да се донесе најсоодветното решение. Измените на Законот за високо образование и за државната матура се одложени за септември 2016 година и во овој период ќе направиме се што е во наша моќ да бидат вклучени сите засегнати страни за да се дојде до најдобрите можни решенија.
Ова, при вчерашната посета на Дојран го потенцира премиерот Никола Груевски, одговарајќи на новинарско прашање.
Премиерот рече дека има доволен период за размислување во кој ќе се разговара со сите заинтересирани страни се со цел да се слушнат сите мислења и да се направат темелни консултации.
Одлагањето на државната матура е затоа што од декември се пријавува матурата и имавме прекраток период за промените што сакавме да ги постигнеме, затоа што ни треба во меѓупериодот и дијалог, така што има доволен простор да се вклучат сите заинтересирани страни и да се разговара со сите, да се слушнат сите мислења и да се направат темелни консултации за на крај да се донесе најсоодветното решение, истакна Груевски, пренесува МИА.
Што се однесува до Законот за високо образование, премиерот посочи дека и за него ќе се направат максимални напори да бидат вклучени сите оние на кои се однесува законот и да се слушнат сите мислења, а во заеднички консултации да се дојде до најдобрите можни решенија.
