Претседателот на ВМРО-ДПМНЕ Никола Груевски придружуван од министерот за транспорт и врски Владо Мисајловски и градоначалникот Тони Трајковски денеска ги посети жителите на селото Страчинци, кое е едно од најпогодените во поплавата.
-Тоа што го ветивте се исполни. Мислевме дека за 30 дена нема да можеме да влеземе во куќите, а се се расчисти за три дена, истакна претседателот на месната заедница Аднан Ајрула.
Воедно во селото, кај училиштето е покриена дупката која се закануваше да го сруши истото.
Дополнително комисија за проценка на штети и земјоделие е на терен во Страчинци каде врши увид.
Министерот Мисајловски информираше дека досега 1.200 проценки се извршени од над 40 тимови кои работат на терен, а активно ангажирани се и 300 градежни машини.
