Македонија

Груевски со честитка по повод Успение на Пресвета Богородица

Груевски со честитка по повод Успение на Пресвета Богородица

Премиерот Грувски го честиташе големиот христијански празник – Успение на Пресвета Богородица.

Тој упати честитка до поглаварот на Македонската православна црква – Охридска архиепископија, Архиескопот Охридски и Македонски, г.г. Стефан.

– Дозволете ми вам лично, на членовите на Синодот на Македонската православна црква – Охридска архиепископија, како и на сите православни верници од Македонија и дијаспората, од мое лично име и од името на Владата на Република Македонија, да ви го честитам големиот христијански празник – Успение на Пресвета Богородица. Празнувајќи го овој празник, да се потсетиме на добрината, кроткоста и трпеливоста на Пресвета Богородица, да си споменеме за нејзината љубов и мајчинска грижа, но и да се потсетиме на нашите мајки, на нашите родители, на нашите постари. Како што Христос ја имал блиску при себе својата Мајка, така и ние да ги имаме за блиски нашите родители, вели премиерот Груевски во честитката.

Нека Пресвета Богородица, додава Груевски, биде наша водилка, наша поткрепа, нека подари здравје и љубов во сечие семејство.