понеделник, 29 мај 2017  |  Вести денес: 0

Груевски: Укинувањето на радиодифузната такса ќе го партизира јавниот сервис

Економските проблеми на граѓаните се решаваат со нови инвеститори кои отвораат нови работни места и го стеснуваат бројот на невработени, а со тоа ги принудуваат работодавачите да ги зголемат платите и тоа да се зголеми животниот стандард, смета Груевски

gruevski-3

Поврзани вести

СДСМ со најавата дека ќе ја укине радиодифузната такса сака да го партизира јавниот сервис Македонска радио телевизија и да воспостави целосна контрола врз него, ставајќи го потполно кон целосно финансирање преку Буџетот, рече во четвтокот претседателот на ВМРО-ДПМНЕ, Никола Груевски.

Укинувањето на радиодифузната такса нема да ги реши економските проблеми на граѓаните, порача Груевски

„Економските проблеми на граѓаните се решаваат со нови инвеститори кои отвораат нови работни места и го стеснуваат бројот на невработени, а со тоа ги принудуваат работодавачите да ги зголемат платите и тоа да се зголеми животниот стандард. Тоа е основната работа за подобрување за стандардот на граѓаните, а не да им се укине или не радиодифузната такса, што ќе се направи така што ќе се плаќа од буџетот, а од него ќе се скратат средства за некои други значајни инвестиции“, рече Груевски одговарајќи на новинарски прашања при денешната посета на Македонска Каменица.

Ако нешто води кон целосна контрола на Владата врз Македонската радиотелевизија, укажа Груевски, е тоа токму таа да зависи комплетно од парите од Буџетот.

„Во овој случај она што го планира СДСМ е комплетна зависност на државната телевизија МРТ од Буџетот. Ако сакаат да ги тераат кон независност, треба да ги пуштат на слободниот пазар и да се финансираат од реклами и со радиодифузна такса“, појасни Груевски.

Во коментар на најавата од СДСМ за изградба на 500 километри автопатска мрежа Груевски потенцираше дека нивнот лидер Зоран Заев е добро познат по ветувања коишто не ги остварува.

„И тоа ветување што е кажано за 500 километри автопат ќе биде уште една голема лага од типот на онаветување коешто своевремено го кажаа дека ќе има по еден вработен во секое семејство. Петстотини километри автопат во Македонија е како да се изгради нов комплетно автопат од Кавадарци преку Велес-Скопје до Белград. Тоа е ветувањето на Заев колку да имаат претстава граѓаните, и ако тој изгради десет проценти од тоа треба да бидеме среќни и задоволни, но мислам дека ова ќе биде уште една огромна лага како онаа за вработување по еден член во секое семејство“, оцени Груевски.

Најчитани вести