петок, 2 декември 2016  |  Вести денес: 72

Груевски: Времето ќе даде одговор на многу работи поврзани со кризата

gruevski2

Поврзани вести

Кога сме кај СЈО и кризата, неодамна од господинот Ахмети разбравме дека СЈО требало да работи до влезот на Македонија во НАТО, истакна лидерот на ВМРО-ДПМНЕ Никола Груевски во денешното свое обраќање на Годишната конференција на Унија на жени на ВМРО-ДПМНЕ.

-Сакам во оваа прилика да му се заблагодарам на господинот Ахмети, затоа што тој е првиот политичар кој јавно и без влакна на јазикот ја доведе работата на СЈО со влезот на Македонија во НАТО. Тоа што многумина го мислат и креираат тој го кажа. Односно со остварување на политичка агенда, а не агенда на владеење на правото. Кога ќе се земе предвид дека за членство во НАТО е потребно само решение  за името, тогаш неговата реченица е следнава, СЈО нека работи додека не го смени  името на државата, истакна Груевски.

Тој посочи дека благодарение на Ахмети се дознало која е целта за формирањето СЈО .

-Навистина, свесно или не, Ахмети прв јавно кажа која е целта за формирањето СЈО, И зошто некој бара продолжување на неговата работа. И кога сега ќе се потсетам на некои работи кои ги говорев во минатото кога опозицијата тврдеше дека тоа што го прават е автентична нивна агенда, сфаќам дека сум бил во право кога сметав дека времето ќе даде одговор на многу работи поврзани со кризата, рече Груевски.

 

Најчитани вести