„Гугл“ ќе инвестира во новинарството

Компанијата „Гугл“ ќе вложи 150 милиони евра во унапредување на односите со европските медиумски куќи и идејата веќе наиде на позитивни реакции.

Според соопштението од компанијата, финансиските средства ќе бидат инвестирани во следните три години и тие ќе бидат наменети за промоција на дигитално новинарство.

Засега во проектот се вклучени осум медиумски куќи: германските Frankfurter Allgemeine Zeitung и Die Zeit, британските The Guardian и Financial Times, шпанскиот El Pais, францускиот Les Echo, италијанскиот La Stampa и холандската мрежа NRC.

Комапнијата ќе основа и работна група Digital News Initiative, преку која ќе преговара со медиумите. Нивните размислувања би можеле да доведат до тоа „Гугл“ да ги промени сопствените производи како порталот Google News.

 

Доколку преземете содржина од оваа страница, во целост сте се согласиле со нејзините Услови за користење.