вторник, 23 мај 2017  |  Вести денес: 26

Хајндл денеска на средби со претставници на политичките партии

hajndl

Поврзани вести

Специјалниот пратеник на Германија за Македонија Јоханес Хајндл, кој престојува во дводневна посета на земјава, денеска ќе разговара со претставници на останатите партии потписнички на договорот од Пржино, СДСМ, ДУИ и ДПА.

Вчера попладне тој се сретна со министерот за надворешни работи Никола Попоски и лидерот на ВМРО-ДПМНЕ Никола Груевски.

Во пишаната изјава до медиумите Хајндл вели дека допатувал во Македонија за да се запознае со ситуацијата и посочува дека времето е кратко и оти сега е потребен заеднички напор од сите политички партии за да се спроведат потребните реформи.

Дојдов за да се запознаам со ситуацијата и првенствено да ислушам. Станува збор за тоа, процесот кој е инициран од ЕУ и од САД да вроди со успех. Мојата задача ја гледам во активната поддршка на овие напори. Развојот во последните денови одново јасно покажува дека времето е кратко и сега е потребен заеднички напор од сите политички партии за да се спроведат потребните реформи и решително да се продолжи по патот, стои во изјавата на Хајндл, наведе во писмена изјава.

Хајндл неодамна беше именуван од страна на германскиот министер за надворешни работи Франк Валтер Штајнмаер за специјален пратеник на Берлин кој ќе работи заедно со Европската Унија и САД и ќе помага при решавање на кризата во Македонија.

Најчитани вести