среда, 29 март 2017  |  Вести денес: 5

Хајндл утре доаѓа во Македонија

Предвидено е тој да оствари средби со лидерите на четирите најголеми политички партии и потписници на Пржинскиот договор.

Хајндл утре доаѓа во Македонија

Хајндл утре доаѓа во Македонија

Последни вести

Германскиот специјален пратеник Јоханес Хајндл утре доаѓа во својата трета посета на Македонија за краток временски период. Предвидено е тој да оствари средби со лидерите на четирите најголеми политички партии и потписници на Пржинскиот договор. 

Хајндл во интервју за „Deutsche Welle“, пред една недела порача дека ЕУ и Германија сакаат да и помогнат на земјата да излезе од кризата, но патот таа ќе мора да го изоди сама, што значи дека политичките актери мора заеднички да работат и во преден план да ги стават државните интереси.

„Станува збор за имплементацијата на централните елементи на Договорот од Пржино. Но тука, за жал, има несогласување меѓу политичките актери – и покрај тоа што тие го ставија својот потпис под овој Договор. А она што го наведува овој Договор е јасно. Оние, кои се осомничени во врска со скандалот со прислушувањето, треба кривично-правно да бидат повикани на одговорност. Со таа цел партиите и се согласија да се формира Специјално јавно обвинителство. СЈО треба без пречки и со целосна поддршка од македонските институции да може да ја извршува својата работа“, изјави тогаш Хајндл во интервјуто за ѐ „DW“.

Најчитани вести