Македонија

Хан ќе го посети Прифатниот центар во Гевгелија

Хан ќе го посети Прифатниот центар во Гевгелија

Еврокомесарот за проширување и соседска политика Јоханес Хан кој престојува во посета во Македонија денеска во Гевгелија ќе го посети Прифатниот центар за мигранти.

Заедно со него најавено е дека ќе присуствуваат и евроамбасадорот во Македонија, Аиво Орав, министерот за внатрешни работи Митко Чавков и директорот на Бирото за јавна безбедност Горанчо Савовски.

Во однос на бегалската криза еврокомесарот Хан вчера порача дека ЕУ ќе и помогне на Македонија во справување со овој проблем за да таа не стане жртва на оваа состојба, која што е резултат на состојбите на Блискиот исток. ЕУ мора да си ја заврши својата работа, а тоа не го стори досега, рече Хан и најави дека следната недела ЕК, а потоа и на престојниот Совет на ЕУ ќе се донесе заеднички документ за европска солидарност.

Поради зголемениот обем на мигранти, Македонија го продолжи рокот за постоење кризна состојба на јужната граница до 15 јуни 2016 година. За оваа одлука вчера во македонското Собрание гласаа вкупно 82 пратеника.

Според информациите со кои располага Министерството за внатрешни работи, преку територијата на Македонија од почетокот на годинава транзитирале 300.000 илегални мигранти, а откако е прогласена кризна состојба се регистрирани 35.630 мигранти, но вистинскиот број се смета дека е многу поголем.

Хан: Очекуваме исполнување на договорот и спроведување на реформите

han-makedonijaaaa

Исполнување на договорот и спроведување на реформите. Ова накратко е пораката што еврокомесарот за проширување и соседски односи Јоханес Хан ја упати на денешната седница на Националниот совет за евроинтеграции.

Ова време е од суштинско значење за Македонија. Сите очи се свртени кон вас да го сработите своето пред октомврискиот извештај за напредокот на земјата кој треба да ги нотира достигнувањата, рече Хан.