недела, 28 мај 2017  |  Вести денес: 2

Хан и Могерини го поздравија договорот за избори во Македонија

Високата претставничка за надворешна и безбедносна политика на Европската унија, Федерика Могерини, заедно со еврокомесарот за преговори за проширување, Јоханес Хан, синоќа со заедничко соопштение го поздравија договорот што беше постигнат од страна н а лидерите на четирите најголеми политички партии.

han-mogerini

Поврзани вести

Високата претставничка за надворешна и безбедносна политика на Европската унија, Федерика Могерини, заедно со еврокомесарот за преговори за проширување, Јоханес Хан, синоќа со заедничко соопштение го поздравија договорот што беше постигнат од страна н а лидерите на четирите најголеми политички партии.

На вчерашната лидерска средба, имено, беше договорено одржување на предвремени парламентарни избори на 11-ти декември во земјата.

Како што јавува дописникот на МИА од Брисел, Могерини и Хан ги повикаа лидерите на четирите партии Никола Груевски, Зоран Заев, Мендух Тачи и Али Ахмети, кои го потпишаа договорот, „строго да ја почитуваат веродостојноста на изборниот процес“.

Го поздравуваме фактот што лидерите на четирите најголеми политички партии донесоа голем број на важни одлуки за напредок во спроведувањето на политичкиот договор од минатата година, вклучувајќи поставување на датумот за одржување на предвремените парламентарни избори на 11 декември. Апелираме до сите политички партии строго да ја почитуваат веродостојноста на изборниот процес, за да им се овозможи на сите граѓани слободен избор и, по изборите, да се изгради влада која ќе се справи со клучните реформи и ќе работи за интересите на сите граѓани. Во иста насока, сите политички сили треба итно да ги обноват нивните напори за спроведување на остатокот од политичкиот договор, вклучувајќи ги и Итните реформски приоритети, се наведува во соопштението.

На крајот во нивното писмено обраќање по повод договорот за излез од политичката криза во Република Македонија, Федерика Могерини и Јоханес Хан порачауваат дека „Европската унија ќе продолжи со својата поддршка на процесот и ќе и помогне на земјата да се врати на својот евроатлантски пат“.

Најчитани вести