ТОП,Македонија

Хан во Скопје, во фокус изборите во декември

Хан во Скопје, во фокус изборите во декември
Комесарот за преговори за проширување на Европската унија, Јоханес Хан денеска ќе престојува во Скопје каде е предвидено да се сретне со премиерот Емил Димитриев, лидерите на четирите најголеми политички партии, со специјалната обвинителка и со претставници на граѓанското општество.

Целта на посетата, како што се наведува во соопштението од Европската комисија, е „да се направи преглед на политичките случувања и да се дискутира за патот напред, особено во однос на организирањето на предвремените парламентарни избори во декември, како и спроведувањето на Итните реформски приоритети“.

Вчера, еврокомесарот Хан испрати порака дека е „важно условите за одржување на веродостојни избори да бидат исполнети“.

– Договорот постигнат минатото лето од страна на сите главни политички партии и поставување на датумот на изборите за овој декември е добар чекор. Сепак, ова е само почеток: важно е условите на веродостојни избори да се целосно исполнети и граѓаните да можат слободно да учествуваат на нив,  вели комесарот Хан.