Харадинај бара распуштање на косовскиот Парламент и нови избори

Лидерот на опозициската Алијанса за иднината на Косово, Рамуш Харадинај, денеска побара распуштање на косовскиот Парламент и оддржување вонредни парламентарни избори, јави Танјуг.

Харадинај, како што пренесе РТК, го напуштил состанокот на косовските политички лидери со претседателката Атифете Јахјага од кој се очекуваше изнаоѓање решение за политичката криза во која Косово се наоѓа речиси половина година.

Лидерот на Алијансата на новинарите потоа им кажа дека обединетата косовска опозиција бара народот директно да го избира косовскиот претседател, а не како досега – тоа да го прави Парламентот.

– Постои недостиг од инвестиции, а владеењето на правото е исклучително политизирано и нашата надворешна политика е неуспешна. На земјата и се потребни предвремени избори и претседателот мора да биде директно избиран од народот, смета Харадинај.

Тој, исто така, порача дека опозицискиот блок останува обединет и дека, како што претходно е најавено, протестите ќе се одржат на 17 февруари.

 

Доколку преземете содржина од оваа страница, во целост сте се согласиле со нејзините Услови за користење.