Свет

Хелсинки станува град без автомобили

Хелсинки станува град без автомобили

Претстолнината на Финска планира до 2025 година да ја трансформира постоечката мрежа на градски превоз во иновативен систем кој на граѓаните ќе им нуди низа на пристапни и флексибилни решенија и ќе ги направи автомобилите потполно непотребни во градот.

Проектот кој неодамна го претставија официјалните лица на Хелсинки, би можел да ги инспирира и другите големи градови кои се соочуваат со се поголеми сообраќајни проблеми.

Според пишувањата на лондонски „Гардијан“ со планот е предвидено обединување на сите јавни превозни средства (автобус, велосипед, такси и траект).

Корисниците на услугите ќе можат да изберат дестинација, дознаваат на кој начин можат најлесно да стигнат и да го платат возењето, преку апликација на мобилен телефон.

Принципот е едноставно, потребно е само да се внесе адреса на поаѓање и пристигнување и да се избере превозно средство. Апликацијата за која иницијаторите тврдат дека ќе биде лесна за употреба, функционира како планер за патувања и универзална платна платформа која ги поврзува сите опции на превоз.