Хонда ја скина мрежата на Специја, Наполи ја елиминира Аталанта

Со идентични победи од 3:1, големите фаворити за победничкиот пехар, Милан и Наполи, обезбедија пласман во следната, 1/4 финална рунда од Купот на Италија.

Поранешниот капитен на фудбалската репрезентација на Македонија, Горан Пандев беше дел од првиот тим, а дуелот против Аталанта го заврши во 60 минута кога беше заменет со словачниот интернационалец, Марек Хамшик.

Второлигашот Специја не се покажа како посериозна пречка за фудбалерите на Милан, а освен Пацини кој се запиша во листата на стрелци по долгата пауза од 8 месеци, дебитантски погодок во “црвено-црниот” дрес постигна и најновата зимска аквизиција на “росонерите”, репрезентативецот на Јапонија, Кеисуке Хонда.

Тимот на Лацио ќе му биде противник на Наполи во 1/4 финалната рунда од Купот на Италија, а Милан важи за благ фавориот во пресметката со екипата на Удинезе.

Доколку преземете содржина од оваа страница, во целост сте се согласиле со нејзините Услови за користење.