Годинава христијанските верници од сите три најголеми деноминации, православната, католичката и протестантската, во понеделник го славата вториот ден Велигденж.
Воскресението Христово во саботата на полноќ беше објавено во сите храмови на Македонската православна црква, а Велигденска миса беше одржана во католичката црква Срце Исусово.
Празнувањето продолжува со воскресенски литургии. Архиепископот охридски и македонски г.г. Стефан по повод вториот ден Велигден денеска ќе богослужи во храмот „Рождество на Пресвета Богородица“ во Центар.
Христовото Воскресение Велигден се смета за најголем христијански празник, ден кога Исус Христос ја докажал својата божествена моќ и воскреснал од мртвите.
Овој празник е спој на верата и традицијата, негувана од памтивек, а почнува на Велики четврток кога, пред изгрејсонце, домаќинките ги бојадисуваат првите црвени велигденски јајца.
