Македонија,Политика

И Џиков во трката за претседателски кандидат на ВМРО-ДПМНЕ

И Џиков во трката за претседателски кандидат на ВМРО-ДПМНЕ

И екс обвинителот Ставре Џиков ќе се бори за претседателски кандидат на владејачката ВМРО-ДПМНЕ.

Според тоа, на Конвенција на ВМРО-ДПМНЕ за избор на кандидат за претседател на земјава ќе бидат и актуелниот претседател, Ѓорѓе Иванов, Јове Кекеновски и Божидар Ночев.

Во текот на денешниот ден, генералниот секретар на ВМРО-ДПМНЕ Емил Димитриев, одржа средба со кандидатите, односно со претставници на кандидатите при што беше утврден, со ждрепка, редоследот на претставување пред делегатите на Конвенцијата.

ВМРО-ДПМНЕ со својата Конвенција спроведува демократски, отворен и транспарентен процес во кој одлуката за тоа кој ќе биде кандидат за Претседател на ВМРО-ДПМНЕ ќе ја донесат 1.300 делегати.