И Лоба со поддршка во кампањата „Почитувај ги правила, почитувај го животот“

Кон кампањата „Почитувај ги правила, почитувај го животот“, која ја спроведува Владата во насока на зголемување на безбедноста во сообраќајот секојдневно се приклучуваат разни институции, но и познати личности.

Свој придонес и поддршка за истата се одлучи да даде и пејачката Викторија Лоба.

-Многумина од нас или биле дел од сообраќајна незгода или биле сведок на таква несреќа. Тоа треба да биде доволен поттик многу повеќе да обрнеме внимание на сообраќајните правила и прописи. За мене нема исклучок, секогаш се врзувам со безбедносен појас кога влегувам во автомобил. Ја поддржувам кампањата за безбедност во сообраќајот и апелирам до сите граѓани да ги почитуваат правилата и да го почитуваат животот, вели Лоба.

Доколку преземете содржина од оваа страница, во целост сте се согласиле со нејзините Услови за користење.