Џемали Мехази, директор во Фондот за здравство од редовите на ДУИ поднесе оставка. Во текстот на оставктата Мехази наведе дека на тој чекор се одлучил поради „морални причини“.
– Во вршењето на мојата функција, за овој случај и сите други слични случаи, направив сè што ми беше овозможено во рамки на законот. Случајот на Тамара ме погоди како човек и како родител. Додека ја извршував оваа функција, лично сум се залагал за да се решаваат сите случаи кои се обратиле до ФЗОМ секако во согласност не само со законските обврски и водено од лична совест. За мене и моите соработници немаше значење, во ниту еден момент, името, етничката и верската припадност, во изнаоѓање решенија за нашите граѓани, истакнува Мехази.
Претходно, оставка поднесе и првата директорка на Фондот, од редовите на ВМРО-ДПМНЕ, Маја Парнаџиева Змејкова.
Доколку преземете содржина од оваа страница, во целост сте се согласиле со нејзините Услови за користење.