Ибраими главен организатор – ќе создава шанси за Тричковски, Трајковски и Велковски

Ибраими главен организатор - ќе создава шанси за Тричковски, Трајковски и Велковски

Тоа ќе биде деби за Ангеловски на кормилото, но и можност за нов почеток, како што најави капитенот Ванче Шиков.

Треба да го заборавиме изминатиот квалификациски циклус и веќе од денешниот меч да почнеме со подготовки за следниот. Атмосферата во националниот тим е многу подобра, новиот селектор сака да играме многу поофанзивен фудбал и верувам дека тоа ќе донесе и подобри резултати, истакна Шиков.

Со офанзивното трио Иван Тричковски – Александар Трајковски – Крсте Велкоски ќе ги нападнеме Црногорците на арената “Филип Втори”.

Како поддршка од позадина ќе биде и Агим Ибраими, кој ќе добие задача и како главен организатор на играта на македонската репрезентација. Зад него во средниот ред ќе делуваат Остоја Стјепановиќ и Никола Глигоров, а на страничните позиции ќе биде тадемот од Ријека, Стефан Ристовски и Леонард Жута.

Столе Димитриевски ќе добие шанса меѓу диреците од стартот, а стоперскиот тандем ќе го сочинуваат Ванче Шиков и Даниел Мојсов.

Верувам во фудбалерите и би сакал и тие да го зголемат нивото на самодоверба. Мислам дека тоа е клучен фактор за да направиме едне позитивен исчекор. Црна Гора е квалитетна селекција со која ќе можеме да ги одмериме силите, да видиме до каде сме и овој меч треба да ни даде една јасна слика како да продолжиме во следниот период. Мојата филозофија е да играме офанзивен фудбал и секако, ќе се трудиме да стигнеме до победа на секој натпревар, вели селекторот Игор Ангеловски.

Доколку преземете содржина од оваа страница, во целост сте се согласиле со нејзините Услови за користење.