Свет

ИД егзекутира 112 свои борци

ИД егзекутира 112 свои борци
ИД егзекутира 112 свои борци

Терористичката група Исламска држава во ирачкиот град Мосул егзекутира 112 свои борци, јави денеска иранската телевизија „Прес ТВ“, пренесе МИА.

Терористичката ИД во Мосул убија свои другари кои планирале преврат во групата, со цел соборување на лидерот – изјави за „Прес ТВ“ портпаролот на Демократската партија на Курдистан Саид Мамузини.

Во близина на затворот во Мосул биле стрелани 112 припадници на ИД, од кои 18 биле команданти. Егзекутираните членови на ИД планирале да го убијат самопрогласениот гувернер на Мосул, Абу Абдул Маџид Афар и да ја заземат власта во северната ирачка провинција Ниневија и да и објават војна на ИД.

ИД киднапирала и неколку десетици жители на Мосул.

Нова брутална видео снимка на ИД

Џихадистите од Исламска држава – ИД објавија нова брутална видео снимка на која се гледа како четири ирачки шиитски борци биле спалени живи откако претходно биле врзани со синџири.

Жртвите се идентификувани како броци на провладините сили на Народната мобилизација од југот на Ирак, пренесува Танјуг, повикувајќи се на АФП.

Нова брутална видео снимка на ИД

Сега дојде до одмазда. Ние ќе ги нападнеме како што тие не нападнаа нас и ќе ги казниме исто како што тие нас не казнуваа, вели маскираниот џихадист на видео снимката, кој нема датум, а ниту пак се наведува каде е извршено погубувањето.

Масовните погубувања џихадистите на ИД ги спроведуваат на териториите каде имаат воспоставено своја контрола во Ирак и во Сирија. Голем дел од нив се снимени, а ИД снимките ги објавува на интернет.